ايهما افضل الرحاب - مدينتى

21-11-2018 03:58 PM

اعزائى الزائرين فى هذا الخبر نوضح راى بعض من سكن مدينة الرحاب و مدينتى عن ايهما افضل من جهة الاختيار بين مدينتى و الرحاب

الاستاذ احمد من سكان مدينة الرحاب

 
أنا ساكن جديد في الرحاب، من حوالي سنة ونص تقريباً.. وقبل ما أسكن هنا كنت دوّرت علي كل المدن الجديدة والمناطق إللي إتقالت هنا وكان إختيارنا للرحاب بعد ما لفينا ودوّرنا كويس والحمدلله راضيين ومبسوطين بالإختيار ده جداً، وأقدر أقلك وأنا مرتاح إن الرحاب أرقي وأفضل مدينة سكنية بها حياة متكاملة في القاهرة كلها.
 
الاستاذ رامى من سكان مدينة مدينتى 
الموضوع كله يرجع لتفكيرك انت .. يعنى مثلا بتسافر زى حالاتى عاوز مكان امان تسيب اهلك فيه ويلاقوا احتياجاتهم وجيران يبقى الرحاب وانت مغمض بس تعمل فى حسابك انها كمستوى كلى من ناحية تشطيب المداخل والواجهات والكلام دة مش أد كدة بالإضافة للمتسكعين من برة الرحاب اللى بييجوا يطلعوا روحنا ويزحمولنا الدنيا 
 
لو بتدور بردو على مكان مقفول واهدى نسبيا وأرقى فى الواجهات والمداخل ولاند سكيب أوسع نسبيا لكن فى هدر رهيب فالمساحة يبقى مدينتى واهى لسة بتعمر وسعرها هيعلى مع الوقت
 
لو موضوع العمار والكلام دة مش فارق معاك او جايبها لقدام مش لدلوقتى يبقى كومباوند فالتجمع .. عندك ريتاج و فاميلى سيتى اعرفهم كويسين
 
لو بقا عاوز حاجة سعرها أقل "نسبيا" يبقى البنفسج والنرجس والكلام دة بس الخدمات والكلام دة منك للحكومة 
 
الشيخ زايد بالنسبة لى انا ك "رامى " لو بألف جنيه المتر مش هاخد فيها عشان مشوارها الرهيب وانا كل عيلتى ناجية مصر الجديدة والقبة والمناطق دى دة غير ما اشيع عن انتشار سرقات العربيات وعصابات التكاتك فهى بالنسبة لى مش اماكن اسيب فيها عائلتى فترة واسافر وممكن الأعضاء من الشيخ زايد يفيدوك اكتر منى عنها لأنى معرفهاش
 
لو احتجت استشارة فالتجمع او الرحاب انا متابع وتحت امرك

ايهما افضل الرحاب - مدينتى